Hap ap U Dr Mukul haduh ar kynta, bym long her ka helikopter

Shillong, 9 Naitung:
U Myntri Rangbah ka jylla u Dr Mukul Sangma u la hap ban ap kai haduh 2 kynta ha kad liengsuin, ha Umroi ha kane ka sngi Hatmajai janmiet, namar ba ka helicopter kam lah ban her namar ka jingsniew ka suinbneng.
U Dr Mukul u la dei ban her da ka liengsuin ha ka por 2.30 pm na Umroi ba u mut ban leit sha Garo Hills.
U Myntri Rangbah u la poi slem shiteng kynta ha Umroi, namar ba u donkam bad u British High Commissioner.
Haba u Dr Mukul u la poi ha kad liengsuin ha Umroi, ki heh jong ka tnad Meteorological department, ki la kyntait ban ai dak ia ka helicopter jong u Myntri Rangbah ban her namar ka jingsniew ka suin bneng.
Ka thymmei khubor, ka tnad MET department ki la bthah ba ka helicopter ba kan her lada ka biang ka suin bneng.
‘”Ka jingslem kam da donkam namar ba ka suinbneng kam dei kaba sniew. Ka helicopter ka lah ban her”,la ong khubor sorkar.
Katkum ka thymmei khubor, ka helicopter u Myntri Rangbah ka dei ban her ha ka por 3.05 pm. Namar kane ka daw, u Dr Sangma poi slem ha Ampati.
U Dr Sangma uba synran lang u DGP u Peter JP Haneman bad u principal secretary ia u CM, u KS Kropha u leit jngoh ia ka Tura, hadien ka jingjia ha ka 21 tarik Jylliew, ban pynlong ia ka jinglong jingman ha ka thain Garo Hills.