“Hangno u Lucifer u don mynta?”

AIS Suja

Hangno u Lucifer u don mynta? Ngi tip ba shisien mynwei u Lucifer u dei u Angel jong u Blei ha Bneng (Third Heaven). U Lucider u long uba dap da ka jingstad, uba janai ha ka jingitynnad, u la long kum ha Eden ka kper u Blei, ki jainkup jong u kiba da u maw kordor kum u Sardios, u Topas, u diamond, u Beryl, u oniks, u Jasper, u Sapphire, u emerald, u Karbonkl bad ka ksiar. Ki tiar jingtem jong u (music instruments) kum ka kanjari, ka Tangmuri bad kiwei. U la ju long u Kherup ba la sleh, u Blei u la buh ia u halor u lum bakhuid, u iaid sharum shaneng halor ki maw mehding, u la long uba janai naduh ba u Blei u la thaw ia u.

Lah ban ong ba u Lucifer u dei u nongrwai nongtem jong ka Bneng ka khet u Blei. Kaei kaba la jia ia u Lucifer hadien kane? U Blei u la shem ha u Lucifer ia ka pop ka jingsarong. Ka dohnud jong u ka sarong namar ka jingitynnad jong u hi u la pynsniew ia la ka jingstad na ka daw ka jingphyrnai. Esekial 28:12-17.
Haba u Blei u la iohi ia ka dohnud ka jingsarong, u Blei u la beh noh ia u Lucifer na ka khet jong u ka Bneng kaba Lai (Third Heaven).”Kumno me la hap na Bneng ko Lurshai u khun ka step?” Isaiah 14:12. Ka mut ba u Blei u la beh noh ia u Lucifer. Shano u Blei u la beh noh ia u Lucifer? Sha ka Bneng kaba Ar kein kaba long hapoh khrum jong u Blei, ha khrum kita ki um ba la khot ki duriaw, kata ha ki bynta ba long haw haw bad ba dum tliw (deep dark space). Kane ka bneng kaba Ar ba don hapoh ka duriaw iit ia kaba la khleh da ka ding (a sea of glass mingled with fire). Jingpynpaw 15:2. Kane ka duriaw ka la kylla long kum ka iit bad kum u mawlein, namar ka la kylla thah. “Ki um ki buhrieh ialade kum u maw bad ha khmat jong ka jingjylliew ka iadait lang (The waters are hid as with a stone, and the face of the deep is FROZEN”) Job 38:30. Dei hapoh kane ka jaka (area) ba u Blei u la buh ia u Lucifer kaba hapoh ka khrum jong ka Bneng kaba Lai, ka jaka ba dum tliw tliw kein. Mynta haba u Blei u la beh noh ia u Lucifer, um long shuh u Lucifer hynrei u la kylla long noh u ksuid bad u soitan. Satan ka mut u nongialeh pyrshah ia u Blei bad u nongshun ia u briew.

Mynta ngi tip ba u Lucifer soitan um don shuh ha bneng bad um pat don ruh ha dujok, u don hangtei ha suin, u dei u nongsynshar ka suin bad jingbymman ba kynja mynsiem ha ki jaka bneng (heavenly realm) Ephesos 6:12 kaba thew ia ka bor soitan namar u soitan u shong hangtei haneng ki khlur ba long jaka bneng lane ka bneng kaba AR, u soitan Lucifer um shong marwei namar ha ka por ba u mih ruh don ki nongbud jong u. ka bible ka ong- “Bad ka tdong jongu Lucifer ka ring ia kaba LAI KA BYNTA NA KI KHLUR KA BNENG” Jingpynpaw 12:4. Kaba mut ba u soitan Lucifer u ialam lang bad ki angel ka bneng sha kata ka bneng kaba Ar haba u Blei u la beh noh ia u kein. Mynta ngi la sngewthuh ba u Lucifer soitan u don ha suin ha ki jaka bneng bad ki nongbud jong u ki kylla long noh ki ksuid kiba bun jait bun rukom.

Dei na ka Bneng kaba ar ba u la hiar ha ka kper Eden ban pynjot ia ka Im bad ia u Adam, dei na kane ka Bneng kaba ar (second heaven) u la hiar ban pynjot ia ka jaidbynriew Jiw, kat haduh ba u la nud ruh ban pynshoi wat ia u khun u Blei u Jisu Khrist kein, da kaba ong – “Lada me long u khun u Blei to hukum ia kine ki maw ba kin long ki kpu” Mathaios 4:3. Haduh mynta mynne, u soitan Lucifer u dang don ha katei ka jaka deep dark space, ka jaka ka jingdum ryngkat ki ksuid kiba shang sawdong ia kane ka pyrthei ba ngi shong. Dei na kane ka daw ba ki mih bun ki jingsniew ha kane ka pyrthei namar kine ki mynsiem bymman (devil spirits) ki rung ha ki syiem, ki bakhraw batri ha ki rit ki ria ha kiba biej ba stad ha kane ka pyrthei. Dei halor kane ka daw kaba khraw ba u Apostol Paul u thoh da kaba ong – “To kieng noh ia ka jingkieng atiar ka jong u Blei baroh ba phin lah ban ieng pyrshah ia ki buit thap u soitan (Lucifer). Naba ka jingialeh jong ngi kam dei ia ka snam bad ka doh, hynrei ia kine ki hima, ki bor, ia ki nongsynshar pyrthei jong kane ka jingdum, ia ki jingbymman ba kynja mynsiem ha ki jaka bneng (for we are not fighting against human beings but against the wicked spiritual force in the HEAVENLY REALM”) Ephesos 6:10-12.
Ka jaka shong u soitan Lucifer bad ki ksuid mynta ka long ha suin bneng kaba ngi khot ka Bneng kaba Ar ka jaka ka jingdum tliw tliw. Ka por kan poi ba u soitan un hiar sha khyndew (earth) ban ioh synshar ia kane ka pyrthei tang Laisnem shiteng ne 32 bnai bad kata kan long kaba khadduh eh ia u ha shwa ba u Blei un bret ia u sha ka pung ka ding ryngkat ki jait ksuid baroh . Jingpynpaw 20:10.

Ia mynta ngi la sngewthuh hangno u Lucifer soitan u don mynta, ngin sa pule kham bha shakhmat. kaba donkam ia ngi mynta wei pa iwei ban kieng ki jingkieng atiar jong u Blei baroh, amen. Ephesos 6:10-12.