Halor ki kyndon, la shah ban wan khwai dohkha iaki Shnong ba marjan ha Shnongpdeng

Ka Dorbar Shnong Shnongpdeng lyngba ka Executive Meeting kaba la iashong kyrpang hadien ba ka la shem ba ka don ka jingwankhwai dohkha,ha Wah Umngot Shnongpdeng, ha ka “thwei Masiah” bad Thwei Rijab” kaba long laitlan. Ka bor Shnong hadien bala iatai sani, Khnang ba yn lah ban tehlakam iakino kino ki jingeh ha kum kane ka por Covid19. Ka la shim ia ki rai, ban Shah ia Ki nongkhwai dohkha na kito ki Shnong kiba marjan naduh Pynursla (East Khasi Hills) Bad naduh Amlarem (West Jaintia Hills) Kiba ju sngewjuh sngewjan ban wan khwai ha thwei “Masiah bad Rijab, halor Kine ki kyndon ba pyrkhing ba la kdew harum.

1. La shah ban wan na surok ka ban rung Sha Ki parking bala pynkhreh daka Shnong, kiba wan da ki kali.
2. Katkum Ka jinglong jong ka thwei yn ym pdiang palat iaka 80ngut haka shisngi ban wan khwai.

Khnang ba yn lah ban leh iaka social distancing ha ki jaka khwai,bad ba kan ym long ka jingialum paidbah.

3. Baroh ki nongwankhwai, ki dei ban bud iaka protocol jong ka sorkar, kum ka social distance, Hand sanitizer, bad ban Deng bha iaki mask.
4. Kino kino kino ki nongkhwai ki bym bud iaka protocol, jong ka jingiada na U Covid19, ka bor shnong kan hap kyntait ia kum kita.
5. Ka por ban shah ban khwai ka long naduh ka por 7baje mynstep haduh ka por 5baje Janmiet.
6. Baroh ki nongkhwai kiba wan lyngba kane ka jingpynbeit jongka Shnong, kin hap ioh iaki token ne ka Ticket Bala pynkhreh daka Shnong. Lymkumta yn ym lah ban pdiang ia kum kita ki nongkhwai.
7. Yn ym shah ban wan ialam khynnah khunlung shawah ne jaka khwai.Ka bor Shnong ka lah ban kyntait iakum kita ki nongkhwai.
8. Yn ym shah ban rung laitluid shapoh Shnong khlem da kynjoh ktien na ki bor Shnong.

Ki nongwankhwai kin hap pyndonkam iaka lynti rung bad mih kumba la kdew daka shnong.

9. Kane kan treikam, naduh ka 29tarik, August 2020.

Tad haduh ban da pynbna da kumwei.

Ka Dorbar Shnong Shnongpdeng, Ka kyrpad ia kito ki shnong bala kdew, ba kin Sngewbha ban iatreilang hakane ka bynta.

Khnang ba ngin lah ban pyniaid beit ia kane ka jingthmu ha kum kane ka por kaba don hapdeng ki jingeh na U Covid19.

Khublei Shibun.