Halor ka thung kam tuh SI, ioh kurup ki pulit Assam T.4.5klur

Guwahati: Ki pulit jong ka Assam, ki la ioh kurup ia ka pisa kaba T.4.5 klur mynta ka sngi, na ki ar jaka bad la iathuh ba katei ka pisa, ka dei kaba don jingiadei bad ka jinglait tuh ki jingkylli, kiba dei halor ka jingthung kam Sub Inspector of Police, ha Assam.

Ia ka pisa kaba T.1.5klur la ioh kurup na Barpeta, ha kaba la ioh kem ia katei ka pisa na uwei u nongtrei ka tnat rel bad la buh bha ia katei ka pisa, ha ka iing sah U Debraj Das, uba dei u nongtrei Technical Supervisor jong ka tnat rel.

Kawei pat ka song kaba T.3klur la ioh kurup na Abhayapuri bad ia katei ka pisa, la ioh kurup na ka iing U Tarani Banikya bad uba dei u kthaw jong U Rupam Das. U Das, u dei uwei na kiba donkti bha ha katei ka jingthung kam tuh ha Assam.