Shillong: U myntri rangbah ka jylla u Conrad K Sangma u la ong ba ia ka jingjia shah lute jong ki ar tylli ki petrol pump ka ba la jia ha ka nongbah Shillong ha ka miet jong ka sngi saitjain, ym dei ban ia pyniasoh lang bad ka jingbym don ka shong suk shong sain ha ka jylla.
Haba ia kren bad ki lad pathai khubor na ka liang jong u myntri rangbah ka jylla u la ong “Ka jingjia shah lute ki ju jia ha man ki jylla ha ka Ri hi baroh kawei, hynrei ban pyniasoh ia kum kine jingjia bad ka shongsuk shnong shngain kam dei”. U Sangma u la ong ba kum kine ki jingjia, ka dei ka kamram jong ka sorkar ban tehlakam ia kine, hynrei ki kam sniew ki ju jia bad ka sorkar ka ju ialeh ban pynduna ia kane hynrei ngim lah ban kiar ia kum kine ki kam sniew ba kin jia ha man ki nongbah ki Shnong dei na ka ne ka daw ba ka don ka ain”. U la bynrap shuh shuh “Ban pyniasoh ia ka shongsuk shnong shngain ia ki jingjia kam sniew kam dei kaba bha”.
U Myntri rangbah u la iathuh ruh ba halor ka jing shah lute ka jingtohkit ka dang iaid shakhmat ha kaba kum kine ki jingjia kim dei ban jia hynrei ki ju jia.
Haba kylli ba ki briew kiba la lute ia ki pump ki rah da ki AK -47 u Myntri rangbah u la ong “Kam dei kaba suk ban ioh ia ki AK-47 rifle bad ka jingtohkit halor kane ka bynta ka dang iaid shakhmat. Ha ba kylli halor ka jingdonkti lang ki seng kaikhlaw ha kum kine ki jingjia u Myntri rangbah u la ong “Ngam pat ioh ia ka kaiphot ba pura halor kane ka bynta bad ngam pat nang ban ong eiei”.
U myntri rangbah u la bynrap ruh “Ka dei ka kam ram ki pulit ban peitngor ia kum kine ki kam pyntrien ha ka jylla hynrei na ka sorkar kan ia leh ban pynbiang ia ki CCTV surveillance ha man ki kyntoit jong ka nongbah.
Haba kylli halor ka jingdon ka jingiadei bad ka jingjia shah lute kawei ka petrol pump ha RiBhoi district u Myntri rangbah u la ong ba “Ngam pat ioh ia ka kaiphot halor kane ka jingjia”.
Ha ka juk ba mynta suk palat ban ioh bun jait ki suloi balei la long kat u chief ministers ruh dang biet haduh kane, ngi dei ki paid garo ba dng sha ha ka um dum