Halor ka jingsma iewtung ka Marten, ia kynduh U MDC ka Mawlai ia u myntri

Shillong: Mynta ka sngi, u MDC ka Mawlai Constituency u bah Teibor Pathaw, u la wan ban ia kynduh ia u myntri ka Municipal and Urban affair u bah Hamlet Dohling, ban iakren ia ka jing eh kaba ki Nong Mawlai bad kumjuh ruh ki nongleit nongwan ki ju ia kynduh ia ka jing sma iwtung kaba mih na ka jingdon ka jaka bret niut kaba ngi tip kum ka marten.
“Ka Marten ka la shakri la 80 snem ia ki briew bad sa tang shi snem eiei kan ym lah kit shuh. Kum ba ngi tip ba ka Mawlai ka dei ka khyrdop ban rung ha Shillong hynrei uno uno u ba wan na shabar, kaba nyngkong u ioh sngew ka long ka jingsma ka ba mih na Marten ” la ong u bah Teibor Pathaw.
U MDC ka Mawlai u la ong “Ban weng ia ki jingeh kiba kyrkieh ki ba mih na ka Marten ki long ba ia ki kali ki ba mih na Marten ki dei ban pynkhuid bha sjwa,bad ladon ruh ia ka jingphiah ia ki jaka bret niut kum ha Umpling bad ha ki jaka jong ka Municipal ki ba la shna ban bret niut khnang ba ki niut ki ba mih nangto ki bret beit shato.”
U bah Pathaw u la iathuh ba na ka liang ka Sorkar ki la shim ia ki lad, kum ba ka la wad ia ki jaka ba thymmai ban bret ia ki niut. Ki la don ruh ki decompose plant bad kumjuh ruh la don ki company na Korea ki ba lawan peit kumno ban pynmih ding elektrik na ki niut.