Bah Monarch Shabong
Ka KJP Synod Sepngi, ka la sospon ia ki arngut ki Pastor jongka, U Pastor PBM Basaiaw moit bad U Pastor Kyrsoi Pyrtuh; tangba haduh mynta, ngim da tip shai ia ka daw jong ka jingshah sospon jongki, namar ba ka Synod, kam shym la ai jingtip ia ki daw kiba la pynlong ba kan sospon ia kitei ki arngut.
Hynrei haba shu sngewthuh, la imat kumba ka jingshah sospon jong kitei ki arngut ki Pastor, ka dei halor ka jing pyrshah jongki ia u aadhar number bad katei lehse, ka la pyning khong ia ki nong ialam jong ka KJP Synod.
Ngim tip eh, ia ka bynta jong ka Synod ha ki kyndon trei kam jongka bad kata ka long la ka dei beit tang ha ka kam Balang ne ioh lehse, ka dei ruh ha ka kam shakri paidbah, namar ba ka Balang Presbyterian, ka la nang bun ki kam bhalang kiba ka shimti ha kine ki sngi bad kiba ngim lah shuh ban niew haduh mynta.
Kitei ki arngut ki Pastor, da kaba ki pyrshah ia u aadhar, kam mut ba ki pyrshah ia ka Ri India lane ia ka sorkar Meghalaya, namar ba ki don ki nongialam sain pyrthei hangne ruh kiba la kren pyrshah ia u aadhar, hynrei haba ki kren pyrshah ia u aadhar, ka long kumba ki don kiba pyrshah ia ka Citizenship Amendment Bill (CAB), kaba dei ka ain jong ka sorkar bad kaba lah ban weng noh, lada ka wan kawei pat ka Sorkar.
Ngi iohi ia kata, ba kim dei tang kitei ki arngut ki Pastor, hynrei ka kashari hi ka la shim ia ka rai jongka jongka, ba kam mynjur lut khoit, na ka bynta ban pyniaid kam da u aadhar number bad kumta katei kein, ka dei kaba ngi ong haneng, ba kam mut ba ki pyrshah Ri India, hynrei, ka dei ba ki pyrshah ia ki ain jong ka Sorkar.
Lada ka Synod, ka khanglad ia ki nongsharai balang, ba kin iakhih pyrshah ia ka ain aadhar, kumta kan leh kumno ia ki dkhot ka balang ruh kiba pyrshah ia u aadhar number bad ka dei ruh ban tip, la ki dkhot kiba don ha ka komiti pyniaid kam, ki don bun kiba la don aadhar ne ki bym pat don aadhar bad lada ki bun ki bym pat don aadhar, ka pyni pynban ba ki don sha ka liang jong kitei ki arngut ki Pastor.
Ngim kyrshan ne pyrshah halor ka rai jong ka Synod, hynrei lehse ka KJP Assembly, ka dei ban peit lang ia katei ka kam, kaba lah ban kyrtoh kylla ia ki kam jongka, ha ki sngi ki ban sa wan.
Hato ka KJP Synod sepngi ka don bynta ban wan rah ia u addhar numbers ha ka ri ne ymdei tang ba ka ting ioh hiar ka jinglum jingainguh na u parabangeit ioh lehse ka sorkar ka pynduh ia ki jingiarap. God sees the truth but wait.
Nga sngew dei ia kata imat ki pastor jng ngi ki kwah aadhar ngi ki paitbah pat ngim kwah aadhar, ka synod ka dei ban pyrkhat bha ioh u paitbah jng ka balang baroh ki kyntaid ia u aadhar hangno ki pastor kin ia sharai balang.
Ka synod ka dei ban sngap iaka sur jong u paitbah ym dei ban shu rai matlah ioh lehse ka wan kytoh kylla Hala ka jong ka balang.
Khublei shibun.
Kawei ba nga kwah ban kren hangne ka long ba U Pastor PBM udei uba la Shongthait na kam. Ha ka jing shisha u ladei ban long laitluid kein. Kam dei ban don kano kano ka adong lada u leh ia kano kano ka kam ba bha.(Ym ia ka ba sniew ne ktah ia ka burom ka Balang). Ka juh ruh lada uno uno u Shakri Sorkar la u Heh ne Rit shisien ba u la Retired u lah ban rung ha ka Politics ne kano kano ka kam ba u thmu ym don jing khang ne adong. Te balei pat kein ka Synod ka jyndong jingmut jing pyrkhat haduh katne katne….