Halor ka jingshah kynthoh, ki Nongsaid Ain ha Ri-Bhoi

Nongpoh, 02 Jylliew:
Ka Nongpoh Bar Association ha ka jing ialang kyrkieh kaba la long mynta ka sngi ha Nongpoh, ki la pynpaw ia ka jingsngewkhia kaba jur hadien ba la mih ha ki kot khubor ba ki la shah kyn noh pyrshah ba ki la shah iehnoh bein kum ki Nongsaid Ain.
Katkum ka kyrwoh ba la phah da u Bah Lurshai Wahlang, Secretary ka Nongpoh Bar Association, la ong ba ka Association hi ka la kyntait mardor halor katei ka jingkynnoh, namar kumba la paw ha ki katkhubor ba wat ka kyrteng jong ka Nongpoh Court bad ki Nongpoh Advocate, ki iakynduh jingeh kum ki nongsaid Ain, namar ka jingbym biang ki jaka treikam.
Shuh shuh ka kyr woh, ka la ong ruh ba kumba long haduh mynta ka Nongpoh Bar Association, ki la ioh la ka jong ka kamra bad ki la pyndonkam ruh ruh ia katei ka kamra kum ka jaka treikam jong ki ki nongsaid Ain.
Ka Nongpoh Bar Association, ka la kyntait ruh halor ki jingkynnoh kumba la mih ha ki kot khubor kaba ong ba kim don jaka ban treikam ha kaba ki hap ban shong ha ki phyllaw ne ha ki baranda, namar mynta lyngba ka jingshim khia ka District Judge, ki la ioh la ka jong ka kamra kaba paka bad ka la pynsuk ruh ia ki ha ka jingtreikam kum ki nongsaid Ain.
Ka Nongpoh Bar Association, ka la pynshai ruh ba mynta ki la biang bad ki la suk la sain ha ka jingtreikam naduh ba wan ka District Judge ba thymmai ha ka distrik, kaba la shim khia lang ruh halor ka jingeh jong ki bad ha kajuh ka por na ka liang ka Nongpoh Bar Association ka ai khublei kyrpang ruh ia ka District Judge, kaba la kloi ban ai jingiatreilang na ka bynta ban pyniaid beit ia ka jingtreikam ha kaba ia dei bad ka kam iasaid Ain ha ka District hi baroh kawei.