Halor ka jingkieng thew kali Ratacherra

Jowai, 21 Iaiong:
Ka Khasi Jaintia National Union (KJNU), ka sngewlyngngoh ba mih ki jingkynnoh ba har rukom ha ka Ratacherra Weight Bridge East Jaintia Hills District, halor ka jing kynnoh ba katei ka jingkieng thew kali, kaba pyndonkam bakla ia ki jingshim pisa jong ki na ki trok kiba iaid lyngba kane ka jingkieng thew kali, kat kum ka jingong u bah Marshal Biam u nong ialam ka NEIPF. Ha ka jingshisha ki dei ban shim katkum ka jingbthah jong ka sorkar ym dei ban shim palat pud.
Halor kane ka KJNU ka ai ka jingiaroh ia ka EJNC kaba phah tohkit ia ki bor ba dei peit halor kine ki kynrum kynram ba mih ha katei ka Weidge Bridge baka pyndonkam bakla ia ka bor ba ki bat, hynrei kaba sngew lyngngoh pat balei ba ka EJNC ka la phah weng pynban ia ka jingujor da u Marshal Biam pyrshah ia ki nongtrei ka Weight Bridge. Ha ka jingshisha ka dei ban wad shwa ia ki jingshisha ym ban phah weng mardor khlem da tip ia kino kino ki nongrim. Ha ka jingiadei bad kitei ki kynrum kynram kiba mih ha katei ka Weight Bridge, ka seng KJNU kam banse ban pan da ka RTI ban lap ia ki jingshisha halor jong kane.
Ka KJNU mynta ka sngi kala buh ia ka RTI ha u PIO jong ka District Transport Officer, EJH, ha ka jingiadei bad ka Ratacherra Weight Bridge khnang ban lap ia ka jingshisha katno ki dei ban shim kat kum ba phah ka sorkar na kawei ka trok hynnriew tyre, phra tyre bad ki khaddar tyre, ynda la ioh ia kane ka RTI hangta ka seng kan pynshai paidbah halor ki jingshi sha katno ki dei ban shim.
Na ka liang ka seng kan ym ailad da lei lei ba kane ka jingiakawang ktieh kan theh shiliang, ka KJNU ka kyntu ia ki bor ba dei peit ban bishar hok jong no kaba dei bad jongno ka bymdei khnang ba ki kynrum kynram kim ym mih shuh nangne shakhmat, na ka liang ka seng lada ka lap ia ki jingshisha kan phah kem ia kino kino kiba don kti ne phah khang tala shi syndon ia ka Ratacherra Weight Bridge. Namar ba ka seng kam kwah ban mih ka jingiakynad para jait bynriew hapoh ka Ri Khasi Jaintia, hynrei ngi dei ban ia tylli para ma ngi ym ban pynjot pynpra, pynkut ka kyrwoh na u N.N. Shadap nongialam ba hakhlieh duh ka KJNU.