Halor ka jingjah ki nar um na Chimasora, don aiu sha lyndet?

Shillong, 30 Nailar:
Halor ka jingjah jong ki nar um na ka shnong Chimasora kaba hap hapoh jong ka South West Khasi Hills District , ki paidbah jong ka shnong Chimasora bad jong ka Gillagora ki kwah ban tip ba balei ki pulit jong ka Borsora out post haduh mynta kim pat lah ban ai ia ka kaiphot sha ka tnat sam um jong ka sorkar jylla.
Na ka liang jong ki Rangbah Shnong jong ki ar tylli ki shnong ka Gillagora bad Upper Gillagora, ki la tip ba ki paidbah jong ka tnad sam um jong ka jylla, ki la jah bad ki pulit jong ka Borosra out post, ki la dep ban tohkit halor jong kane hynrei balei haduh mynta kim pat lah ban ai ia ka kaiphot mano ba leh ia kane ka kam ban pynjah klep ia ki nar um jong ka tnat sam um, ia kiba la buh ia ki ha ka shnong Hillagora.
Na ka liang jong ki ar ngut ki rangbah shnong ka Gillagora u R T Sangma bad u PM Sangma jong ka Upper Gillagora, ki la kynnoh ba ki pulit ki tip bha ha ei ki don ki nar um jong ka jong ka sorkar jylla bad ka jingkylli mynta ka long ba balei kim pat lah ban jer ia ka kyrteng jong kito ki briew kiba don kti ha kane ka kam ban ot ia ki pipe jong ka sorkar.
Kum ki paidbah nongshong shnong ki kwah ba ka tnat sam um jong ka sorkar ka dei ban pyndep noh ia kane ka jingring umdih ha kitei ki shnong ar tylli namar kane ka skhim ka dei lang ruh, ymtang ia kitei ki shnong hynrei ka dei lang ruh ia ka shnong Chimasora, ki pulit jong ka Borsora ki dei ban pynkloi noh ban ai ia ka kaiphot sha ka sorkar.