New Delhi: Halor ka jingmih ki khubor ba ka sorkar India, kan pynduh noh ia ki kot T.2,000, mynta ka sngi, U Anurag Thakur, ula ong “Ym dei satia ban khuslai”.
U Thakur, u jubab ia katei halor ka jingkylli U Vishambhar Prasad Nishad, jong ka seng Samajwadi Party (SP), ha kaba u kylli, la ka sorkar India, ka don jingthmu ban pynduh noh ia ki kot T.2,000 bad ban pynmih biang da ki kot T.1,000. “Ka jingdon pisa tuh, ka la nang jubor, lyngba ka jingdon ki kot 2,000 bad ka don ka jingiakren ba phin pynmih biang ia ki kot 1,000” ong U Nishad.
Haba jubab U Thakur, u ong “Ka don ka jingsngew diaw jong kiba bun, hynrei phim dei satia ban khuslai ia kata”.
U Thakur, u iathuh ruh ba ha kine ki lai snem ba ladep, hadien ka jing pynduh pisa ha u snem 2016, ka jing pyniaid pisa ha iew, ka la nang jur shi bun eh, ha kaba u iathuh ba hadien jng ka 4tarik Naiwieng 2016, kaba la pynduh lut ia ki pisa, ka jingkiew ka jingiaid pisa ka long sha ka T.22,356.48 billion katba kum ha ka 2tarik Nohprah 2019 bad katei ka nang kiew na ka T.17,741.87 billion kaba long ha ka 4tarik Naiwieng 2016.
Lah ban pynkynmaw ba ka sorkar BJP, ka la pynbor tyngeh ia ki paidbah, ba kin pyndonkam da ka jingsiew digital, hynrei la iohi, kumba katei kam trei kam satia haduh ha kine ki sngi.
Phi don ban ong eiei?