Hajan NEHU ka rynsan jingiaseng Synod

Shillong, 6 Lber:
Ka Jingiaseng Rangbah jong ka Khasi Jaintia Presbyterian (KJP) Synod Sepngi kan long ha kane ka sngi u Blei ban wan ha ka Balang Mawlai. Ka jingiaseng kan sdang naduh ka 9 tarik haduh 12 tarik. Ka jingiaseng paidbah ha ka sngi U Blei, 12 tarik kan long ha Umshing.
Haba u nongaikhu-bor u la leit jurip mynta ka sngi la iohi ba ia ka rynsan long jingiaseng la shna ha pynthor bad kiba bun ki jaka ban shong ki paidbah nongleit jingiaseng kan dei hi ha ki pynthor bad ki don ruh ki jaka lum kiba lah ban shong paidbah. Kane ka rynsan ka don mar pyrshah bad ka gate no.2 jong ka skul bah NEHU. Ki paidbah kiba leit jingiaseng kiba wan ki thain polytechnic kyntonmasar kan kham suk ynda haba ki iaid beit beit ia ka surok NEHU. Ki paidbah kiba wan na ki thain Mawroh ki lah ba iaid lyngba ka surok sanker bad la iohi ruh ia ki lynti iaid kjat kiba la shna kyrpang kiba lah ban leit sha kane ka jaka long jingiaseng lyngba ka surok mawroh- sanker.