Shillong, 18 Nailar:
Ka sorkar jylla ka la ioh rejister tang 13,331 ngut ki nongbylla ba wan nabar sha kane ka jylla, bad kane ka long tang ha duh u Lber, 2013.
“Ka jingthmu jong kane ka jingbuh kyrteng ne register ia kito kiba wan bylla nabar, ka long ban buh rekod ia ki kam jong ki. Lyngba kane ka jingbuh kyrteng, lah ban buddien ia ki da kaba suk lada jia ei ei ne ki leh ei ei”, la ong u Principal Secretary (Home) u KS Kropha.
Hynrei ha kajuh ka por, u la ong ba khlem ai permit ei ei ia ki bad la shu buh kyrteng ne rejister.
“Ia mynta, ngi la ai jingbthah ba ki kontraktor ki dei ban rejister ia ki nongbylla ba la wanrah nabar”, la ong u Kropha.
U la ong ba ka sor kar ka la buh ia ka istrict Task Force ban lap bad ban pynphai biang ia ki nongwei bar ri kiba wan baeain sha kane ka jylla.
“Ka kam jong ka District Task Force ka long ban leit jurip ia ki nongbylla man ka por ban lap ia kiba shu wan beain, ban khynra man ka por”, la ong u Kropha. Ha kajuh ka por, u president ka seng All Meghalaya Contractors and Suppliers Associations (AMC&SA) u Bah Gilbert G Laloo u la ong ba ki kontraktor ki la kut jingmut ban rejiter ia ki nongbylla ba wanrah nabar jylla.’Hynrei ka jingeh ka long ba ka rukom ka long kaba jrong bha”, la ong u Bah Laloo bad bynrap ba lada rejister ia ki nongbylla kan shim por da ki bnai ba kin pynshisha ia ki nongbylla.
“Da dep ban rejister, ki nongtrei bylla ki la dep ia ka jingtrei”, la ong u president ka AMC&SA.Ha kajuh ka por, u la ong ba ki kontraktor ki kyrshan ia ka jingthmu ban wanrah ia ka Inner Line Permit (ILP) ha kane ka jylla.
Phi don ban ong eiei?