Haduh 572.0mm, ka jinghap slap hynnin ka sngi ha Sohra

Shillong: Hynnin ka sngi, ruh ka Sohra, ka don ha ka jinghap slap kaba jur shi katdei, ha kaba ka jinghap slap, naduh ka por 8.30 mynstep haduh ka por 8.30 mynmiet, ka poi sha ka 572.0mm.

Ha katei kajuh ka por, ka jinghap slap ha Shillong, ka long 88.2mm, katba ha Umiam, ka long 75.8mm.

Mynta ka sngi, naduh 8.30 mynstep haduh 5.30 janmiet, ka Shillong, ka ioh slap 3.0mm, ka Sohra ka ioh 5.1mm, katba ka Umiam, ka ioh 3.8mm.

Ka tnat peit mariang, ka ai jing maham, ba lashai ka sngi, kan don ka jing meh leilieh bad ka jingtied pyrthat bad kan don ruh ka jinghap slap, kaba jur bha ha ki bynta jong ka Jylla.