Haduh 434mm, ther u lapbah ha Sohra

Shillong: Ka Sohra, ka iai bteng ban mad ia ka jinghap slap kaba jur, hynnin ka sngi, ha kaba ka jinghap slap, ka la poi sha ka 434.2mm. Mynta ka sngi, kam don satia, ka jinghap slap ha Shillong, Sohra bad ha Umiam ruh kumjuh.

Lashai ka sngi, kan don ka jinghap slap kaba kham jur, ha ka nongbah Shillong bad ha ki jaka ba marjan ruh kumjuh. Ha ka jylla, kan don ka jingkhie eriong lem bad ka leilieh, ha kaba ka jingbeh stet jongka, kan long hapdeng ka 30 haduh 40 kilometre ha ka shi kynta bad kan don ruh ka jinghap slap, kaba jur bad kaba jur bha, ha ki bynta jong ka jylla.