Haduh 27 tarik bteng shah thngan ki nongtrei BSNL

Shillong, 25 ïaiong:
Ka Joint Forum jong ki Executive Association ka BSNL ki la sdang ia ka jingiakhih da kaba shah thngan bad katei ka jingshah thngan ka long ba kawei ka kynhun ka trei katba kawei pat ka shah thngan bad katei ka jingiakhih kan bteng haduh ka 27 tarik mynta u bnai, ka daw jong katei ka jingiakhih katkum ka kyrwoh khubor na u Sushil Tripathi Secretary ka Sanchar Nigam Limited Executive Association ka la ong ba ka dei namar ka jingshah pynhiar tulop jong ki JTO/JAO/SDE/AO ha ka Department of Telecom (DOT) bad ka jingbym lah ban pyntreikam ia ka BSNL HR Policy wat hadien 4 snem ba la ia kren bad ki bor pyniaid bahalor jong ka BSNL. Nalor katei ka jingiakhih ha ka 28 tarik pat kan don ka jingshim CL jong kiba bun ngut ki nongtrei. Katei ka jingiakhih shah thngan uwei hadien uwei ka kyrwoh khubor ka la ong ba ka long ban ym pynthud ia ka jingai jingshakri ia u paidbah.