Haduh 18 tylli ki trok kit dewiong beain, kiba shah bat ha ki pulit Byrnihat

Nongpoh: Mynta ka step ha ka por 4 ne 5 baje eiei mynstep, ki Pulit ka Byrnihat Police Outpost, ki la ioh ban bat ia 18 tylli ki trok, ia kaba la kynnoh ba ka jingkem ia kitei ki trok, ka dei halor ka nongrim ba ki la shalan beain ia u Dewiong khlem ki kot ki sla kiba biang.

La ong ba ka jingiohkem ia kitei ki trok kaba la kynnoh ba ki kit beain ia u Dewiong, ka dei ha ka por ba ki ia iaid shibun tylli, hynrei ha kaba kum katei ka por, kata shwa ba kin poi artad sha ki jaka pynhap kiba don ha ki thain Byrnihat, kitei ki trok ki la shah bat noh ha ki Pulit ka Byrnihat Police Outpost.

Shuh shuh la ong ruh ba ia kitei ki trok kit Dewiong, kiba la shah kem ha ki Pulit ka Byrnihat Police Outpost, la dep ban register case ha Nongpoh Police Station.

Ha kawei pat ka liang, ki la don kiwei ki nongniah kali, kiba la kynnoh kylla ia ki Pulit, da kaba ong ba kito ki kali kiba lah ban ban pynbiang pisa ia ki Pulit kiba ap ha Byrnihat ki lait na kaba shah bat ha ki Pulit, hynrei la shu bat tang ia kito ki kali, kaba ki nongniah ne ki trai jong kitei ki kali kit dewiong kim lah ban pynbiang ia ki Pulit.