Hadien shiteng snem kynthih, lap ki pulit na Bihar, ia ka samla ba jah na Shillong

Shillong: Ka Sonali Kumari 17snem, ka khun u Ram Sogarath Singh, uba sah ha DPI Compound, Crinoline Swimming Pool Road, Shillong, ka la jah naduh ka 21tarik Nohprah 2022, na ka iing sah jongka.

Ki pulit ka Laban, ki la shimti ban tohkit, katba kum ka Laban PS Case No. 114(12)2022 U/S 363 IPC bad haba la buddien bha, la lap da ki pulit, ba la khlieh da U KP Singh, OC Laitumkhrah PS, ki la leit ban wad sha Bihar bad ki la lap ia ka Sonali Kumari, hynnin ka sngi, na ka shnong Bidupur, ha Vaishali district, Bihar bad kaba pyni, ba ka la jah la shiteng snem kynthih na la iing.