Hadien shibnai duna, lap ia ka mobile ka samla Umlyngka

Shillong, 24 Nailar:
Ha ka jingjia ba khampher, hadien da ki taiew, ka mobile jong ka samla Wandarihun Mawlong kaba suba jur ba shah pyniap bad lap ia ka met jongka na Umiam, la ioh tam ia ka mobile jongka. Katkum ka khubor ka mobile jongka, la ioh tam da uwei u khynnah uba leit ot phlang ha katei ka jaka kaba kyrteng ka Umtong. Kaba sngew phylla ka long ba une u khynnah u dei uba sah marjan hi bad ka paralok jong ka samla Wandarihun Mawlong.
Ka memory card ka mobile bad ka Sim Card Aircell ka dang treikam bad la iathuh ba ki don ki dur ki dar bad lah ban sei na kane ka memory card. Katba ka Sim Card ka Idea ym shym la lap. Ia kane ka mobile la shimti noh ki pulit.
Ka jinglap ia kane ka mobile kan pynioh ksai shuh shuh ia ki pulit ban tohkit halor kane ka jingjia.
Ka Wandarihun, ka la jah na iing ha ka step jong ka 24tarik Naitung 2016 bad la lap ia ka met iap jongka, na Wah Umiam, ha ka jaka, kaba ki khot Mawdun, ha ka 29tarik Naitung.