Hadien shi taiew, ba ladep tei, shah tuh noh, ka jaka ap bos, kaba T.10 lak

Ka jingjia, kaba sngew khyllah sat bad kata ka long, ba ka jaka ap bos, baroh kawei, ka la shah tuh noh, ha ka nongbah Bengaluru. La iathuh, ba la tuh, ia katei ka jaka ieng bos, hadien shi taiew, ba la tei ia ka bad ka dei ka jingtei, kaba don da ki isbad ba remdor bad kaba shongdor kumba T.10lak.

Katei ka jaka ieng bos, ka dei ha ka surok Cunningham bad kaba la peit bad sumar, da ka Bengaluru Metropolitan Transport Corporation (BMTC). Ki pulit, ki la shimti ia ka jingtohkit, hadien, ba la ioh ia ka ejahar na U N Ravi Reddy, uba dei u vice president jong ka kompeni, kaba pyntrei, ia katei ka jaka ieng bos, ha kaba ula ujor, ha ka 30tarik Nailur 2023.