Hadien saw bnai ha MPDA, lait jamin 2, ki nongialam ka FKJGP

Shillong,4 Rymphang:
Hadien kumba saw bnai eiei ba ki la shong hapoh phatok na ka jingshah pynngat MPDA ar ngut ki nongialam sengbhalang u Bah Eldie N Lyngdoh bad u Bah Reginald Thabah kiba dei ki dkhot bad ki nongia lam ka FKJGP ki la ioh jamin mynta ka sngi. Kitei ki ar ngut ki nongialam sengbha lang ki la shah ha ki saw bnai ba la leit na ka daw ka jingiakhih ILP. Lah ban pynkynmaw ba u Bah Reginald u la shah pynngat MPDA ha ka 31 tarik u risaw 2013, bad u la shah kem 18 tarik U Risaw na Sngithiang, kyrbom, Mawprem ha kaba ki pulit ki kem ia u katba u dang don hapoh ka kali kit nongpang, katba ia u bah Eldie N Lyngdoh la kem na Umsning halor ki jingkynnoh ba u la kawang Petrol bomb ia ka Pandal puja.