New Delhi: Hadien ba ula long myntri rangbah tang lai sngi kynthih, mynta ka sngi, U Devendra Fadnavis, ula hiar shuki noh, kum u myntri rangbah ka Maharashtra.
Katei ka dei hadien ka rai jong ka Supreme Court, kaba la bthah ban pynlong ia ka jing ia tynjuh bor lashai ka sngi.
Haba kren ha ki kotkhubor, U Fadnavis, uba long myntri rangbah, tang lai sngi, u iathuh ba U Ajit Pawar, ula ia kynduh ia u mynta ka sngi bad ula kren shai, ba um lah ban dang bteng ban ia treilang ha kane ka sorkar synrop. “Namar ba ula hiar shuki noh, kumta ngim don ki briew kiba biang bad nga hiar shuki noh” ong U Fadnavis.
Ka BJP haduh hynnin ka sngi, ka kam ba ka don ka jing kyrshan jong ki 170ngut ki MLA.
Lah ban pynkynmaw, ba la pynbam smai da U Lat ka Jylla, U BS Koshyari, ia U Fadnavis, ha ka step phyrngab jong ka Sngi Saitjain ba ladep, kaba long ha ka por 7.30 mynstep bad ba la weng ia ka synshar President ha ka por 5.47 baje mynstep.
Phi don ban ong eiei?