Hadien ka resol MP, yn ujor mukotduma ka AAP ia ka MeCEL

Shillong, 30 Iaiong:
Ka AAP Meghalaya unit kan sa ujor mukotdu ma pyrshah ia ka MeCEL halor ka jingpynkiew bai thang bording.
Katkum ka jingia kren bad u State Coordinator ka AAP Meghalaya u Bah Amos Kharshiing u la ong ba ka seng mynta ka dang ap hadien ba la dep niew ia ka resol jong ka elehshon MP kin sa ai leit ban ujor mukotduma pyrshah ia ka MeCEL halor ka jingpynkiew ia ka bai thang ding.
Katkum ka jingong u Bah Kharshiiing ka seng ka la dep ban pynkhreh ban leit kiew iing lieh iing saw hynrei namar ba treikam ka model code of conduct la pynap shwa shipor.
“Ngin ap hadien ba ladep niew ia ka vote elekshon MP haduh ka 16 tarik Jymmang ngin ujor”, la ong u Bah Kharshiing.
Ka sorkar kham mynshwa ka la rai ban pynkiew bai thang bor ding haduh 89 percent hynrei kham hadien ka la pynhiar sha ka 15 percent bad ia kane la pdiang da ka MESRC.
Ki paidbah ki la pynpaw ia ka jingsngewkhia jur ia ka jingpynkiew dor ia ka bai thang bording namar bun kim ju ioh bording bha bad kumba long mynta lei ka jingpynlip bording ka la long haduh kumba 11 kynta ha ka shi sngi bad kane ka la ktah jur ia ki kam ki jam jong ki paidbah.