New Delhi: Hadien ba la dep ka Baby league ha jylla Meghalaya, mynta ka la sdang sa ha ka jylla Punjab ba la shim khia da ka YFC bad ka Punjab FA ban pynlong ia kane ka lumpung ialehkai ki hep rit kynthei bad shynrang ha shnong Rurka hajan Jalandhar, Punjab kaba la sdang naduh ka 25 tarik Naiwieng ba la dep, 2018.
Ka AIFF Baby League ka ai ia ka lad ia ki khynnah rit naduh ka rta U-7, U-9, U-11 bad U-13. Baroh ha kine ki kynhun rta kiba la iashim bynta ha kane ka lumpung YFC Baby League ki don 32 kynhun bad 319 ngut ki nongialehkai.
Kawei pa kawei ka kynhun ka don 8 ngut ki nngialehkai kiban iakhun ia ka nam lahduh jong kane ka lumpung.
Ia ka jingialehkai la pyniaid lai bnai syndon ha kaba ki don 30 ngut ki coach kynthei bad 10 ngut ki riphri kynthei ha kane ka jylla.