Hadien ka Leshka, yn hiar jurip ka FFC sha Umtru Projek

Shillong, 14 Naitung:
Ka Fact Finding Committee (FFC) ki seng sain pyrthei ka jylla, kan hiar ban leit jurip ia ka Umtru power projek ha kane ka taiew ban wan.
U nongialama kane ka committee u Dr Jemi no Mawthoh jong ka UDP, u iathuh hynne ka sngi Thohdieng, ba ka komiti kan leit jurip sha katei ka projek ha ka sngi Thoh dieng ban wan ban pyn long ia ka jingthew jing woh bad ka jingbishar bniah ia ka jingiaid bad ka jingtreikam katei ka projek pynmih bording jong ka MeCEL.
Kham mynshwa, kane ka komiti, ka la dep wan ban jurip ia ka projek bording Myntdu-Leska ban lum ia ki jingtip ia ka rukom treikam kane ka projek bad ka jingsam bording ha kane ka jylla, ka kyrduh bording jubor.
“Ngi dang pynkhreh ia ka kaiphod jong ka komiti hadien ba la lum ia ki jinglap bad ki jingshem na ki jingleit jurip ha ki jaka ba don ki projek”, la ong u Dr Mawthoh bad bynrap, ba la kumno kumno ka kaiphod yn pyndep ha kaba kut jong une u bnai.
Katkum ka jingong u Dr Mawthoh, ki dkhot ka komiti, kin leit ruh ban jurip iaka dam Umiam ban wad jingtip na ki ophiser halor ka jingtreikam kane ka jaka pynmih bording kaba rim tam ha ka jylla.