U Lalit Modi, Chairman barim jong ka kynhun ialehkai kriket ha India, ka Indian Premier League (IPL), u don ha ka jingshah beh thong ha ka sorkar India, na bynta ki kam leh tuh jongu, ha katei ka jing ialehkai Premier League bad katei ka la pynlong ia u, ba un phet rieh ialade sha London, naduh u snem 2010.
Hynrei mynta ka sngi, ha ka jaka ba un shah kem lane shah pynshitom ha ka sorkar India, U Modi, u iathuh pynban ha ka twitter jongu, ba ula ioh samla thymmai bad kata ruh, da ka aktress kaba pawnam, ka Sushmita Sen.
U Modi, u thoh ha ka twitter jongu, da kaba ong “Just back in London after a whirling global tour #maldives # sardinia with the families – not to mention my #better looking partner @sushmitasen47 – a new beginning a new life finally. Over the moon (sic)”. “Nga dang shu wan phai sha London, hadien ka jingwan shangkai sha maldives, sardinia lem bad ka iing ka sem lem bad ka samla, kaba bhabriew shisha ka sushmitasen47, kaba dei ruh ka jingsdang jong ka jingim ba thymmai jonnga”.
Ha kajuh ka por, U Modi, u kam ba kitei ki dang shu ia iaid samla, hynrei, kim pat ia poi kha satia.
Ka Sushmita Sen, ka dei kaba la ioh ia ka nam Miss Universe ha u snem 1994 bad ka la rung sha ka kam ak phlim Bollywood, ha u snem 1996, ha ka phlim Dastak. Nangta, ka la ak ruh ha kiwei pat ki phlim, kum ka Biwi No 1, Maine Pyaar Kyun Kiya, Main Hoon Na bad No Problem. Ka Sushmita Sen (46), ka don arngut ki khun kynthei, ka Alisah bad ka Renee.
Ym myntoi shuh la Tymmen