Shillong: Ki lad khubor, ki iathuh ba ka sorkar Meghalaya, ka la khang lut ia ki internet ha ki hynniew tylli ki District jong ka Jylla, hadien ka jing shah siat iap jong ki 4ngut ki rangbah briew ha Mukroh, ha ki pulit jong ka West Karbi Anglong jong ka Assam.
La iathuh ba ka sorkar jylla, ka la rai ban khang ia ka internet na ka bynta 48 kynta ha West Jaintia Hills, East Jaintia Hills, East Khasi Hills, Ri-Bhoi, Eastern West Khasi Hills, West Khasi Hills bad South West Khasi Hills district.
Ki pulit Assam, ki kam, ba ka jing ia kynad, ka dei hadien ba ki pulit ki la bat ia kawei ka trok kit dieng, kaba wan na Meghalaya, ha kaba la ioh bat ia katei ka trok, ha ka por 3baje mynta ka step. La iathuh, ba haba katei ka trok, ka mut ban phet, kumta u pulit ap khlaw, ula siat ia katei ka trok bad pynlait lyer, ia katei ka kali bad ha katei ka jingjia, la ioh bat ia u nongniah, u nongbud bad sa uwei pat uba don ha katei ka kali.
Kham hadien ki pulit Assam, ki la wan poi ha katei ka jaka, ha ka por 5baje mynstep, ha kaba ki lap ia ki riew paidbah, ba ki rah ia ki tiar kiba nep bad kiba lah ban pyn mynsaw bad haba ki riew paidbah, ki leit tur shajan jong ki pulit Assam, kumta ki pulit ki la siat pathar, na ka bynta ban teh lakam ia katei ka jing ia kynad.
1. Ka jingbakla ki pulit Assam kalong ha jaka ban siat sha suit ki siat sha ki briew.
2. Ki paitbah ruh kim dei ban ia pynbeit ia kino kino ki jingeh ha ka jingkhluit.
3. Ka sorkar ka hap ban tuklar kloi kloi ia kane kam ba kan ym pur kloi ka ding.