Hadien ka jingiap, ka jingbishar!

AIS Suja

Ka jingim u briew ha pyrthei, kadon la ka jingkut bad kata ka jingiap. Ka jingiap kam map iano iano ha ka pyrthei kaba mynta. Ka jingiap kam ithuh uno urit uno u khraw uno uba riewspah ne u duk, uno u ba biej ne stad bad kam don u pud (Limit) habaroh ka pyrthei ka jingiap kaiaid lyngba.

Kaei ka daw? Namar ba u Blei hi um pat pynkut ia kibor ka jingiap na u briew, U Blei u dangbuh ia ka ain ba u briew udei ban iap, bad hadien kan wan ka jingbishar. U briew ba lakha nakabriew, u long khyndiat sngi, uba dap da ka jingjynjar. U wan mih kum u syntiew te la ot noh ia u: u phet kum ka syrngiew bad um neh’ Job 14:1-2. U Job u ong- ‘Ah to kynmaw baka jingim jongnga kalong ka lyer’. Job 7:7.

U Blei u dang shah ba u briew un iap. Hynrei kanpoi ka por ba u Blei un pynduh noh ia ka bor ka jingiap tad ynda un wan ban bishar bad synshar ia ka pyrthei hakata ka 1000 snem. “Namar kadei ia u ban shynshar tad ynda u la pyndem ia ki nongshun jong u baroh hapoh ki kjat jong u. KA NONGSHUN KA BA KHADDUH KABA UNSA PYNDUH, KALONG KA JINGIAP. 1Korinth 15: 25-26.

Ynda u Blei un pynduh noh ia ka jingiap, kandon ka jingmihpat bad hakata ka jingmihpat u Blei unsa pynieng lain ia u briew baroh shipyrthei. “Namar kadei ban pynieng ia ngi baroh hakhmat ka jingshong bishar u Khrist. 2 Korinth 5:10.

Ka khet jingshong bishar u Khrist kalong kaba lieh kaba khraw (Great, white Throne). “Bad nga la iohi ia kiba iap, kiba rit bad kiba khraw kida ieng ha khmat kata ka khet: La plie ia ki kitab, bad la plie ia kawei pat ka kitab (artylli ki kitab), kaba long ka kitab ka jingim. Te la bishar ia kita kiba iap na kita kiei kiei ruh ia kiba lathoh hakata ka kitab katkumka jingleh jong ki. Iaka jingiap bad ka Hades la bret sha kat ka pung ka ding. Te jar ia uba ym shym lashem ba la thoh hakata ka kitab ka jingim, la bret ia u sha ka pung ka ding” Jingpynpaw 20:11-15.
Lada u briew u iapnoh hynrei ka jingkynmaw (memory) ka leit lang bad kata ka mynsiem (spirit), namar ha ka sngi Jingbishar, u briew un sa kynmaw kiei ki kam ba ula leh mynba u dangim, labha ne sniew, namar u Blei un pynkymaw (remind) ia ka jingkynmaw jong u briew ba undup kynmaw aiu uleh mynba u dangim ha pyrthei namar u briew u hap ban ai jingkhein hakata ka sngi ka jingbishar u Jisu khrist.
Namar kata mynta hi ka long kapor ba uwei pa uwei u briew udei ban khot kyrpad ia u Trai ban duwai ban iasaid ban pan map na u, namar ngi im haka pyrthei ka bym tikna, lano ka jingiap kan wan rong kumba ngi la iohi ba ka jia mynta hi ha ka pyrthei baroh kawei.
“Namar kumta, to ngin ialeh tyngeh noh ban long kiba pynsngew bha ia u Blei, la shongsah ne leit noh”. Kamut lada ngin im ngin pynsngew bha ia u Blei, lada iap ruh yn pynsngewbha ia u Blei. 2 Korinth 5:9.