U Ryan Giggs, ula duh ia ka tnga jongu, namar ba u shoh u dat, hynrei ha kane ka kynti, un lah ban duh sa ia u ksew jongu ruh. Haduh mynta, ka don ka jing ia kynad kaba jur, namar ba U Giggs bad ka tnga jongu, kim hun satia tang ba ki la ia khlad, hynrei, ki iaknieh ruh ia u ksew, uba dang hynriew bnai, uba kyrteng U Mac.
U Giggs bad ka tnga jongu, ka Kate Greville, ki ia pyneh hi triang bad kwah ban ioh sha lade ia U Mac.
Kitei ki shijur, ki la ia pyllait san shyieng, haba ki pulit, ki la leit sha ka iing, ba ki ia sah, halor ka jingkynnoh ba U Giggs, ula shoh la dat ia ka tnga la jong bad hadien kata, U Giggs, ula thied sa ia uwei u ksew, uba kyrteng U Atlas, ba un ioh paralok ban ia shong ia sah lang bad U Mac; hynrei kitei kim shym la hun satia ban sam mar uwei u ksew bad ki kwah beit ban iaknieh ia U Mac.
U Giggs, 46 bad ka Kate, ki ia sah lang ha Worsley, Gtr Manchester, hynrei ki la ia pyllait noh, ha U Naiwieng 2020, hadien katei ka jingjia bad ka Kate (36), ha ka por, ba ka phet noh ialade na iing U Giggs, ka ialam ruh ia U Mack bad haduh mynta, ka don ka jing ia pyneh kaba jur, ban kam trai ia U Mac, hapdeng kitei ki arngut shi tnga.
Phi don ban ong eiei?