Hadien ka elekshon yn iakhih biang ki 4 seng ha Jaintia

Shillong, 19 Rymphang:
Ka AJYWO Seng kmie, ka KSU-Jiantia Hills District Unit, ka FKJGP-Khliehriat Circle bad ka HNYF-East Jaintia Zone ki la byrngem ban pynlong biang ia ka jingiakhih kaba tyngeh mar synkut ka Election MDC ka JHADC namar ka jingbym sngap jong ka sorkar bad ka NHAI ia ka mat jingdawa jong ki bad kata ka long ban maramot noh wut wut ia ka NH 44 shwa ba ka por lyiur kan wan.
“Ngi la dep ban pynlong ia ki jingiakhih ha kine ki khyndiat taiew ba la dep, hynrei ka sorkar kam sngap ia ka mat jingdawa jong ngi ki ba dei na ka bynta ka bha ka miat jong u paidbah bad kata ka long ban maramot noh ia ka NH44 naduh Soomer West Jaintia Hills District haduh Malidhar East Jain tia Hills District namar jong ka jingsniew palat jong ka, kaba la ktah ia ka leit ka wan jong ki paidbah. Kumta ha kane ka sien ba lai jong ka jingiakhih jong ngi ngin rai syndon da kaba kham tyngeh.” ong u Bah WT Rymbai President ka FKJGP-Khliehriat Circle.