Hadien ka dorbar yn iakynduh U MR, RBSU

Shillong, 09 Rymphang:
U Myntri Rangbah ka jylla u Dr Mukul Sangma bad ki nongialam ka Ri-Bhoi Students Union (RBSU) kin iashong jingialang biang hadien ba la wai ka dorbar mang tyngka ka jylla ban iakren halor ka jingdawa ban buh ia ka Govt College ha ka thain Ri-Bhoi.
“Ngin iashong jing-ialang biang bad ki nongialam ka RBSU hadien ba la wai ka dorbar mang tyngka ban iakren ia ka jingdonkam ka kolej ha Ri-Bhoi kumba la dawa ki samla”, la ong u Dr Mukul hadien ba la wai ka jingia-lang bad ki nongialam ka RBSU hynne ka sngi.
U la ong ba ka sorkar ka hap ban pyrkhat ia ka jingdawa jong kane ka seng, ha kaba iadei ban buh ia ka kolej sorkar. “Nga la ong ba ka sorkar kan hap ban peit ia ki bynta da ka jingbishar bniah namar ba kan don ka jinglut kaba jur”, u la ong. Ha kawei ka liang u nongialam ki nongialam ka RBSU ki la ong ba ka jingialang bad u Myntri Rangbah ka dei kaba ai mynsiem namar ba u la kular ba ka sorkar kan sa bishar bad peit bha ia kane bad u la khot biang ban iakren hadien ba la wai ka dorbar mang tyngka hadien u bnai Lber ban wan.