Hadien, ba ula ia phet ia arngut ki tnga, imat U Aamir Khan, un ioh sa ka tnga kaba lai

Mumbai: U Aamir Khan, ula ia phet bad 2ngut ki tnga jongu, ha kaba u iashong mar mar 15 snem. Ka tnga kaba nyngkong jongu, ka dei ka Reena Dutta bad ka tnga kaba ar jongu, ka dei ka Kiran Rao.

Ka jing ia ieid jong U Aamir bad ka Reena Dutta, ka dei kaba sngew shutia shi katdei bad kitei ki dei ki arngut ki para marjan bad ki ju ia peit siar iwei ia iwei pat, na jingkhang iit bad ki lah ban ia ieng da ki bun bun kynta, ban ia peit siar iwei ia iwei pat. Hadien ka jing ia peit siar, kaba la bun bun bnai, U Aamir, u pyrsia syndon ia ka Reena, hynrei kam treh satia bad hangta, u iai pyrshang bun bun sien, hynrei hangta ruh kam shym la treh satia.

Hynrei, ynda haba U Aamir, ula sngew kutlad, ka Reena, ka sa mynjur ban ia iaid bad u. Ym tang katta, hynrei, ha ka jing tyrwa jongu, ia ka Reena, ula thoh shithi ruh shisien da ka snam, hynrei katei ruh kam shym la pynjem mynsiem ia ka Reena, hynrei, ka la mai pynban, ba um dei ban leh ha katei ka dur.

Hynrei katei ka jing ia shong tnga jongu bad ka Reena, ka kut noh tang hadien 15snem.

U Aamir Khan, hadien ba ula ia pyllait bad ka Reena, ula ia kynduh ia ka Kiran Rao, bad katei ka dei ha ka por, ba u ak ia ka phlim Lagaan, ha kaba ka Kiran, ka dei ka Assistant Director jong katei ka phlim, ha kaba la pynmih ha u snem 2001.

Ha katei ka sien, U Aamir, um pat ia iaid satia bad ka Kiran, hynrei, mar ia lait bad ka Reena, ha u snem 2002, U Aamir, ula ia kynduh bad ka Kiran bad u iathuh ha kawei ka prokram telebishon, ba u da sngew tngen shi katdei, haba u sdang ban iakren phone bad ka Kiran, haduh shiteng kynta, ha shwa ba kin iateh sai iong sai saw.

Hynrei U Aamir, ula ia pyllait noh mynta ka kynti, hadien 15 snem, ba u iashong lang bad ka Kiran Rao.

Mar ia pyllait bad ka Kiran Rao, ki la mih ki hamsaia, kiba kren ba U Aamir, u ia pyllait khnang bad ka Kiran, na ka daw, ba ula shoh jingieid palat ia ka Fatima Sana Shaikh bad la iathuh ba ka Fatima, ka la sdang ia iaid bad U Aamir, naduh ka por ba ki ia ak ha ka phlim Dangal; hynrei ka Fatima, ka kyntait ia katei ka jing kynnoh, ba ka la sdang ban ia ieid bad U Aamir Khan, haba rieh.

Ka Fatima Sana Shaikh, ka la don mynta 29 snem ka rta bad lada kan ia shong bad U Aamir, kumta kin ia pher ka rta mar shiteng, namar ba U Aamir, u la don mynta 56 snem ka rta.