Hadien ba u kyntait Administrator, pynslem U Lat sa ka MRSSA

Shillong: U Tathagata Roy, u lat ka jylla, ula kyntait ban soi ia ka synshar Administrator ha Khasi District Council, hynrei, ula ai jingmut ia ka sorkar Jylla, ba kan ithuh ia U bah Latiplang Kharkongngor, kum U Chief Executive Member (CEM) ba thymmai jong ka Khasi District Council.

Kam kut tang katta, la ioh khubor ba U Lat ka Jylla, un nym soi satia ia mynta ia ka ain kaba la mynjur da ka kynhun myntri ruh, kaba dei halor ka Meghalaya Residents Security and Safety Act (MRSSA) bad la iathuh ba U Lat, un ia thir jingmut shwa bad ki riew shemphang halor katei ka phang, lada u dei ban mynjur ne ban phah biang sha ka sorkar Jylla. Ki don ki lad khubor, kiba iathuh ba un lah ruh ban pan jingmut na ka tnat kam poh iing ka sorkar India, halor katei ka ain bad lyngba katei ka jingmut kaba don ha U Lat ka Jylla, ka pyni ba ka jingmynjur ia katei ka ain MRSSA, kan lah ban nang shimpor kham slem lane tad haduh ba ka sorkar Jylla, kan pynlong da ka ain jong ka iing dorbar baroh kawei.