Hadien ba leit khangtala ka seng HYC ia ka ophis DHTE mar mar khot iakren ka sorkar

Shillong 24 K’Lyngkot: Ka Hynñiewtrep Youths’ Council (HYC) Education cell hynne ka sngi thohdieng ka 24 tarik kyllalyngkot 2025,ka la leit ban ia  kynduh bad ki ophisar Jong ka tnad Pule puthi ka sorkar jylla hapoh secreteriat.

Kane ka jingleit Jong ka seng ka long hadien ba ka tnad Pule puthi ka sorkar jylla lyngba u Secretary bad Commissioner ka tnad Pule puthi ka sorkar jylla, U  la khot iakren iaki nongialam Jong ka seng  ia kaba la pynlong hapoh ka conference hall Jong ka secreteriat ha ka jingdon ryngkat lang kiwei ki ophisar, hadien ba ki dkhot jong ka seng ki la leit ban khang tala iaka ophis treikam Jong ka Directorate of Higher and Technical Education, halor ka mat Jong ka jingsahkut bad ka  jingpynslem ban pynlait  mardor iaka 3rd installment jong Pre bad ka Post matric scholarship kaba hap hapoh ka Umbrella Scheme naka bynta ki khynnah pule ka Jylla.

Ka seng ha kane ka jingiakynduh iaki ophisar ka pule puthi ka sorkar jylla, ka la buh ruh iaki 2tylli ki mat jingdawa ha khmat ka sorkar, kata ka long ban dawa iaka tnad Pule puthi ka sorkar ban pynkloi iaka jing submit iaka Utilization Certificate halor ka jingpyndonkam iaka pisa Scholarship kaba la sam sha ki khynnah pule hapoh u bnai September Jong man la u snem sha ka ministry of Education bad kumjuh ruh ban thaw iaka seperate cell kaba yn peit thik tang iaki kam kiba iadei bad ka jingpyllait iaka scholarship Jong ki khynnah pule ka jylla.

“Naka liang ka sorkar lyngba u Commissioner and Secretary of Education, u la mynjur bad pdiang ia kine ki mat jingdawa Jong ka seng bad u la kular ruh ba ka sorkar kan shim iaki lad ki lynti ban iakren bad ka ministry of education ka sorkar India ban pynlait noh mardor iaka 3rd installment jong ka Pre bad Post matric scholarship Jong ki khynnah pule ka Jylla kaba dang sahteng haduh mynta”.

Shuh shuh naka liang ka sorkar ka la kular ban shim iaki seiñjam ban pyntikna ba ka jingeh Jong ki khynnah pule ha kaba iadei bad ka jingioh iaka scholarship ka jong ki kan nym bteng shuh ha ki snem ban wan bad ban pynlait iaki scholarship haka por kaba biang.