Shillong: Ki nongtrei ka tnad ka koit ka khiah na Riangdo PHC ki la pynlong ia ka random test da ka Rapid Antigen Test mynta ka sngi ha ka shnong Malangkona, ha kaba bun ki paidbah ha ryngkat bad ki pulit ki la wan ban shah test ialade. Kumba 72 ngut ki pulit ki la shah test bad la lap ba uwei na ki pulit u la ioh ia u khñiang jingpang COVID-19.
Hadien ba la ioh ia ka resol, ia une u pulit la khmih bniah bha noh da ki doktor katba ia kiwei pat ki pulit ba na Malangkhona Out Post la phah ban leh ia ka quarantine.
Ban iada bad ban lait saphriang une u khñiang jingpang, ia ka Malangkona Out Post la khang noh shuwa shipor bad yn leh ia kaba donkam ban pynkhuid pynsuba shuwa ia kane ka jaka ba ki sawdong sawkun kane ka outpost.
Ki paidbah kiba sah marjan bad ka Malangkhona Out Post la kyrpad ban leit sha Aradonga Out Post na ka bynta kano kano ka jingujor ne ki jingdonkam jong ki tad haduh da la plie ia ka Malangkhona Out Post.
Phi don ban ong eiei?