Hadien ba la shna, aiti ka KSU ïa ka ïing, sha ka long ïing ha Myndo Umkyllaiñ

Nongstoiñ:Ka Seng Khasi Student Union (KSU) West Khasi Hills District, hadien ba kala dep ban pynshna da ka ïing kaba bha na ka bynta kawei ka long ïing ba duk napoh ka shnong Myndo Um kyllain myn hynnin ka sngi, ka la leit ban aiti noh ia katei ka ïing sha u bah Jamesing Kharbani bad jong ka kong Klan tina Khar musalman.

Ia katei ka iing la pynshna da ka Seng KSU West Khasi Hills District, ha ryngkat ka jingnoh jingiarap lang ruh da ka KSU Seng kmie hadien ba kila lap ba katei ka long ïing kadei kaba shem jynjar bad ba ki shong ki sha ha ka ïing trep kaba la jot.

Kum ban shu phaidien ba ka Seng KSU ka la lap ia katei ka long iing ha kapor ba ki dkhot jong ka Seng ki dang bteng ia ki kam leh isynei ia kiba shem jynjar ha ka por ba dang pynjari ia ka jingkhang dam kumta na ka liang jong ka Seng KSU WKHD ha ryngkat ka jingiasnoh kti lang bad ka KSU Sengkmie kila shim ia ka rai ban pynshna noh da ka iing kaba thymmai.

Ha kane ka sngi na ka liang jong u President Rangbah jong ka Seng KSU Sengkmie u bah Lambokstarwell Marngar, u la khap ruh ia u ribon kum ka dak ban aiti noh ia katei ka iing sha kitei ki long iing ha ryngkat ka jing iasakhi lang da u sordar ka shnong ki dkhot ka KSU CEC bad ki dkhot ka KSU WKH bad kiwei kiwei.