Hadien ba la rah bor, pyllait suk noh ki runar kiba la kam kum ki GNLA ia u bah Daniel Daju

Nongstoiñ: U bah Daniel Daju u la lait noh na kti jong ki runar hadien ba u la shah rah bor naduh ka janmiet jong ka 30 tarik Jymmang na ka ïing sah ka jong u kaba don ha ka shnong Pormawlein ha ka thaiñ Shahlang WKHD.

Katkum ka tyllong khubor la ong ba u bah Daniel Daju u la lait noh khlem kano kano ka jingshah pynmynsaw bad la ong ba ki runar kiba la rah bor ia u ki la pyllait noh hynnin ka step phyrngap jong ka 1 tarik Jylliew, ha ka por 4:00 AM hapoh ka shnong Dabu Akhol kaba hap hapoh East Garo Hills District.

Shuh shuh la ong ruh ba kitei ki runar kiba la rah bor bad pyllait noh ia tei u rangbah kia kam ia lade ba ki dei ki dkhot ka kynhun kieng atiar ka GNLA.