Shillong: Hadien ba u James K Sangma, myntri kam poh iing, u la khot ia kren ia ki nongialam ka CoMSO, u la pynpaw ba na ka liang ka Sorkar Jylla ki la mynjur ban pyntreikam noh ia ki kyndon jong ka Inner Line Permit da kaba pynkylla ia ka MRSSA bad u la kular ruh ba ha u bnai Risaw kin pyntrei kam noh ia kine ki kyndon ILP bad u myntri, u la kyrpad ruh ba ka CoMSO kan pynsangeh shipor ia ki jingiakhih namar ka sorkar ka la mynjur ia ki jingdawa.
Ka la don ruh ka jingphah ktien na ka liang u Myntri rangbah ka Jylla, ba ka sorkar ka don ka juh ka jingmut bad ki jingai jingmut ka CoMSO, ha kaba iadei bad ka jingpynrung ia ka ILP ha ka MRSSA.
Na ka liang ka CoMSO ka la pan da ka jingthoh halor kane, hynrei namar ba Myntri Rangbah um don hapoh ka jylla un nym lah ban ai, hynrei u kular pat ba un sa kynduh biang ia ki nongialam ka CoMSO, hadien ba u wan phai.
Na ka liang ka CoMSO ka la pynpaw ba kum ka dak ka jingiatrei lang bad ka Sorkar Jylla bad ban ai lad ia ka sorkar ba kan pyndep ia ka kular, ka CoMSO ka la rai ban pynsangeh noh shwa shipor ia ki jingiakhih.
Ka kynhun ka kren shai ba lada ka sorkar kam lah ban pyntreikam ia ka inner line Permit system hapoh u bnai Risaw, kan nym don shuh ka jingburom ia ka sorkar bad kan iaid da ki jingiakhih haduh ban da ioh ia ka Inner Line Permit. Na ka liang ka CoMSO ki kyntu ia ki paidbah ka jylla ban iai shah ban ban nym duh jingkyrmen.
Phi don ban ong eiei?