Shillong:U Bah Ernest Mawrie State president jong ka party BJP, mynhynnin ka sngi, u la ong ba ki paidbah ka jylla ki la ailad ïa ka Congress, UDP bad ïa ka NPP ban thaw sorkar ha Meghalaya.
U Bah Ernest u la kyrpad ïa ki paidbah ban ïa ailad noh ïa ka BJP ban thaw sorkar ha Meghalaya ban wanrah ïa ka roi ka san, ka ïohkam ïohjam bad ka shongsuk shongsaiñ ha kane ka jylla.
Halor ki kular jong ka AITC kum ka We Card bad ka MYE Card, u la ong ba ki dei tang ka jingkular ilekshon kin nym lah ban pyntreikam kumba ka la jia ha West Bengal kaba ki synshar, la kynnoh ba ka West Bengal ka dei ka jylla ba sahdien tam.
U Bah Ernest u la ong ba ki 60 tylli ki Konstitwensi ha kane jylla, ka party ka la ïoh jingkheiñ ba 32 tylli ki don hapdeng ka jingïaleh, na kitei ka BJP ka don ha ka jingkhien ba kan lah ban poi sha ka thong hapdeng 10 bad 15 tylli ki Konstitwensi.
La ong ba ka party kan sa pynbna nohshen ïa ki kyrtong jong ka party ban ïakhun ha kane ka ilekshon MLA ha ka jylla, kaba sah mynta ka long ba ka Parliamentary Board jong ka BJP kan sa shim ïa ka rai hapoh ka jingpynïaid u Myntri Rangbah duh jong ka Ri India.
Ha kane ka sngi la ïathuh ruh ïa kaei kaba kila ïakren hapoh ka National Executive Committee ha ka jingïalang ha Delhi, ha kaba kila ïakren bun ki mat kiba ïadei bad ka thaiñ shatei lammihngi jong ka Ri India bad ha kane ka jylla, la ïathuh ruh ba la rai ban pynjlan ïa ka jingtreikam jong u National President u JP Nadda haduh ban da dep ka Lok Sabha ilekshon 2024.
Don bok phin ioh ban ialam ia ka sorkar hadien ka Election