Hadien ba jied ki paidbah, sa ka pynspong ia u Bah Celestine Syngkli RS Nongkhrah

Nongpoh: Ka Hima Khadar Lyngdoh Elaka Nongpoh, ka la ioh ban pynskhem ia u Bah Celestine Syngkli kum u Rangbah shnong ba pura ka shnong Nongkhrah bad ha kajuh ruh ka por, la ioh ruh ban pynskhem pura ia ki dkhot ka Executive Committe jong katei ka shnong.

Haba pynskhem ia u Rangbah shnong bad ia ki dkhot ka shnong, kaba la long hynnin ka sngi Saitjain, ia ka bynta ban pynspong la leh da u Paiem Wanphrang Syiem Nongshai, Sordar ka Nongpoh Elaka, u la pynspong ia u Rangbah shnong, da kaba pynkup da ka Spong ka Phali ha ka khlieh jong utei u rangbah shnong.

Kiba la sakhi ha katei ka sngi, ki kynthup ia u Bah Rayanold Kharkamni, Secretary ka Nongpoh Town Committee, u Bah Anthony Suchiang, Secretary Shnong Nongpoh Proper, Pastor PW Pnar, ki nongialam ka Raid lem bad kiwei.