Shillong 30 K’Lyngkot: Ka Khun Hynniewtrep National Awakening Movement (KHNAM) Mynta ka sngi palei ka 30 tarik kyllalyngkot 2025, ka la pyllait paidbah ia ka jingrwai jong ka party ka ba la ai kyrteng “Na Bynta Ka Ri”.
Ia kane ka jingrwai la pyllait paidbah da u Working president jong la seng u bah Thomas Pasah ha Shillong Press Club ha ka jingiadonlang u bah Joseph Pyngrope, u bah Peter Shalam nalor kiwei kiwei de.
U bah Thomas Pasah haba kren sha ki lad pathai khublei ha Shillong press Club ula ong, ba hadien ba la pynkha ia ka seng KHNAM ha u snem 2002 la ioh ruh ban shna kawei ka jingrwai ban kyrsiew thiah ia ka jaitbynriew bad mynta hadien arphew lai snem ka seng ka la wanrah biang sa kawei ka jingrwai, halor ka juh ka jingthmu ban kyrsiew thiah ia ka jaitbynriew.
Nakaliang u bah Joseph Pyngrope pat ha ba bynrap ban kren u la ong, ba kane ka jingrwai “Na Bynta Ka Ri” Ka kren beit thik katkum ka nongrim jong ka KHNAM, kata kalong ban kyntiew, ban iada bad ban pynneh pynsah.
Kane ka jingrwai la thaw ruh nakabynta ka ilekshon ban kyrsiew thiah ia ka jaitbynriew bad kalong ka jingrwai ka ba kit jingmut, ong u bah Joseph.
U la ong ruh, ba ia kane ka jingrwai la buh lang da ki jingkyntien jingrwai lane ki lyrics ban pynsuk ia ki paidbah nongsngap. Ia kane ka jingrwai la rwai da u bah Agustine Kurbah.
Phi don ban ong eiei?