Shillong 22 Naitung:Hadien ar bnai ki pulit ka sadar police station ki la khot biang ia u secretary ka seng Hynniewtrep Youth Council (HYC) u bah Isaac Basawiamoit ha ka 22 tarik u Naitung 2024.
Ka jingshah khot hahir u bah Isaac kan la dei ka sien kaba ar.
Haka jingiakren bad ki lad pathai khubor hadien ba ka mih na poh sadar, nakaliang u bah Isaac u la ong, ba ka jingshah khot hajir ia u, ka long kumjuh kumba shah khot ia u vice president ka seng dang ha kine ki khyndiat sngi bad ka daw ka long, ba ki shim jingkylli ha kaba iadei bad ka jignleit khynra ka seng ia kiba sah beain ha lum survey ha ki bnai ba la dep.
U bah Isaac u la ong ruh, ba um sngew phylla shuh ia ka jingshah khot hajir ha ki pulit namar ba ka lah long myllen bad kum ka seng ruh ka leh ia ki kam kiba bha ym ba ka leh ia ki kam ki ba sniew.
Shuh shuh U la iathuh, ba 10 tylli ki kyndon bad 3 tylli ki mukotduma u la shah pynngat, 2 tylli na thanad sadar bad kawei na thanad Laitumkhrah.
Ha kaba iadei pat bad ka jingkhynra drok, na ka liang ka seng kan ym shongthaid hynrei kan dang iai bteng ban khynra nangne shakhmat, la bynrap u bah Isaac.
Phi don ban ong eiei?