Hadien 6snem, ba ia lait bad ka tnga nyngkong, lashai, yn ia poi kha biang U Mann ka Punjab

U Bhagwant Mann, myntri rangbah ka Punjab, un ia poi kha noh lashai ka sngi ia ka Dr Gurpreet Kaur bad katei ka dei, hadien hynriew snem, ba ula ia pyllait sanshyieng bad ka tnga ba nyngkong jongu.

Katei ka jing ia poi kha, kan long lashai ka sngi palei bad ha katei ka jing ia poi kha, kin don tang kiba ha iing kiba iajan eh bad U Mann, ha kaba ka jing ia poi kha, kan dei ha ka iing sah jongu, kum u myntri rangbah. U Arvind Kejriwal, myntri rangbah ka Delhi bad uba dei u national convener jong ka AAP, un don lang ha katei ka sngi iathoh shongkurim.

U Mann, ula ia poi kha nyngkong, la hynriew snem mynshwa bad ula don arngut ki khun, na ka tnga kaba nyngkong jongu, kaba shong ba sah ha USA. Baroh arngut ki khun jongu, ki ia wan lang ban sakhi, ha ka jingbam smai jongu, kum u myntri rangbah, kaba la long ha U Lber 2022.

Na bynta kane ka tnga kaba ar jong U Mann, la jied hi da ka kmie bad ka para jongu.

Ka Inderpreet Kaur, ka dei ka tnga kaba nyngkong jong U Mann. U Dilshan Mann (17), u dei u khun shynrang jongu bad ka Seerat Kaur Mann (21) ka khun kynthei, ka shong bad ka kmie ha America.

Ha u snem 2015, U Bhagwant Mann bad ka Inderpreet Kaur, ki la ia pyllait sanshyieng noh, da ka jing ia sngewthuh jingmut lang.