New Delhi:U nongialam ba la rangbah bad rim bha jong ka seng Indian national congress (INC), u ba iajan bha bad ka long ïing jong ki Gandhi, U Mallikarjun Kharge, u la shah jied kum u president ba thymmai jong ka seng Indian National Congress, kaba dei kawei na ki seng saiñ pyrthei, ba la rim bha ha India.
Ha ka jingpyn bna ia ka kyrteng jong U Kharge, da ki bor pyniaid ia ka elekshon ban jied ia U President jong ka party da u chairman jong ka CEC jong ka party, U Madhusudan Mistry, u la ong “Nga pynbna ia U Mallikarjun Kharge, kum u nongialam ba la shah jied jong ka seng Indian national Congress”.
Ka jingshah jied jong U Kharge, ka la wan, hadien ba na ka liang jong ka parti, ka la pynlong ia ka elekshon ha ka 17tarik mynta u bnai bad ka jingñiew ia ki vote ka long mynta ka sngi kata ka 19tarik,ha kaba u ne u myntri barim jongka sorkar pdeng bad u MP Shashi Taroor, ki dei ki nongiakhun ba ha khmat ia kane ka kam nongialam jong ka parti.
Kane ka dei ruh ka sien ba nyngkong ba kum ka parti kan ioh ia u nongialam bym dei na ka ïing ka sem kong ki Nehru-Gandhi hadien 24snem.
U Kharge u la jop da kaba tam ia u Tharoor haduh kumba 6000vote, ha kaba u la ioh haduh kumba 7897tylli ki vote, katba u nongiakhun pyrshah u ioh tang kumba 1000vote bad ki vote ba shah kyntait ki long 416tylli.
Na ka liang jong u Shashi Tharoor, u la kitbok ia u president ba thymmai ba un long uba jop kum u nongialam jong ka parti.
Ha kawei pat ka liang u Rahul Gandhi,u la ong ba dei tang ka seng Indian national congress kaba don ia kata ka kynhun ba biang bad bym ia shah liang iano iano, haba ia dei bad ki elekshon ban jied iaki nongialam jong ka parti”.
Hiar tang kyrteng u shabi ki dang bat hi. U kharge u dei tang u puppet jong ki Gandhi dynasty