U Bear Grylls, u dei uwei na ki riew ieid mariang, uba la leh ia shibun ki kam khyllah, ha ka jingiaid lynti jongu bad shisien, ula mynsaw na u budlum, namar ba u ur, ha ka por ba u her da ka parachute, hynrei, u iathuh ba ka jingtieng kaba palat eh ia u, ka dei haba uwei u thlen, ula kyllain ia ka ryndang jongu bad katei ka dei ka jingjia, kaba la pynsyier mynsiem ia u shi katdei.
U Grylls, u iathuh, ba u bsein, ula kyllain ia ka ryndang jongu, katba u dang jngi ha kawei ka pung ha South Afria.
Ha ka jingiakren bad ka Sun makasin, kaba mih na London, U Bear, u ong “Ngi don ha kawei ka pung kaba jylliew, kaba dum bad kaba ka dap miar da ka um. Ngi tip, ba u don u thlen uba jrong kumba phra phut eiei bad kitei ki mrad, ki dei kiba ma shi katdei bad ki bym lah ruh ban tip lypa ia ka jingthmu jongki. Wei ki la kyllain, phim lah shuh ban ring mynsiem bad lada ki tan iaphi shapoh um, kumta ka jingim jongphi, ka don ha ka jingma kaba khraw”.
“Nga iaid ha katei ka pung bad ngam lap satia ia ka tynrai jongnga, hynrei, nga shu iohsngew ba don ba kynrup ia nga bad tan shapoh um bad kyllain ia ka ryndang jongnga, hynrei nga la ialeh tyngeh bad pyllait ialade na utei u mrad kynsha, uba la tip kum u boa” ong U Grylls.
U Grylls, ha ka jingiaid lynti jongu, ula rung sha ki raieh raidam bad shibun ki khraw nam jong ka pyrthei bad kitei ki kynthup ia U Barack Obama, Kate Winslet, Julia Roberts, Roger Federer, Jonathan Ross bad U Jake Gyllenhaal.
U Bear (46), ialade u dei U Chief Scout, ka tnga jongu, ka Shara, 46, ka deika nongthoh kot bad ki don lai ngut ki khun, U Jesse, 17, U Marmaduke, 14, bad U Huckleberry, 12 bad ki shong ki sah ha kawei ka dewlynnong, kaba don ha Welsh coast. Katei ka dei ka jaka, kaba don 2,000ft la 650ft bad ka don tang 3mer na ka dewbah jong ka England.
Phi don ban ong eiei?