Haba shah shet ha ka tnga thymmai, na ka jingkhie spah kaba la shyrkhei sat, sha ka duk ksew ia u nong Russia

Uwei u nong Russia, uba riewspah shibun eh, ula iehnoh jyndat ia ka tnga jongu, kaba dei ka nong Russia bad ula iashong bad kawei ka nong Kenya, kaba kyrteng ka Wanjiru . Katei ka tnga thymmai, ka la pynngop ia u, haduh ba un da die lut khoit ia baroh ki jingdon jingem jongu, kiba u don ha Russia bad ba un thied da kiwei pat ha Kenya, kum ki jaka, ki kali, ki iing ki sem bad ka kamai kajih ruh kumjuh. Ha ka jingieid tasam ia ka tnga thymmai, kumta, ula kohnguh ban leh kumta. Ula die duh ia baroh ki jingdon jingem ha Russia bad u sa thied da kiwei ha Kenya. Hadien katto katne snem, ula shah shet ha katei ka tnga thymmai jongu, ha kaba ula duh lut ia baroh ki jingdon jingem bad ka spah ka phew jongu. Mynta um don shuh tang ka iing, ba un sah ialade bad u hap ban leit bylla sngi man ka sngi, na ka bynta, ba un ioh ia la ka jong ka jaka miet ja step.