Haba ka jingiap, ka shu dkhat jyndat ia 3ngut ki khun u dap billion ka Scotland

U dei u heh spah tam jong ka Scotland, hynrei U Anders Holch Povlsen, um lah satia ban iarap ia la ki jong ki khun ba ieid thep mynsiem jongu, haba ka jingiap, ka la shu dkhat noh jyndat ia ki ha ka jingbthei bom, kaba la jia ha Sri Lanka ha ka Sngi U Blei ba ladep.

U Anders Holch Povlsen bad ka tnga jongu.

U Anders Holch Povlsen, u dei uba na Denmark bad u don saw ngut ki khun jongu, hynrei, ula duh noh ia ki lai ngut ki khun jongu, ha katei ka jingbthei bom ha Colombo ha ka step jong ka Sngi U Blei.

U Povlsen, u don ia ka khyndew kaba 220,000 acre ha ka kyrteng jongu bad u don jingthmu ban shna pynbha ia katei ka khlaw bad u don jingthmu ban aiti ia katei ka jaka kaba heh bah sha kitei ki khun jongu, ba kin dang shimti ia kaba sah hadien ka jingiap jongu.

Ki lai ngut ki khun jongu, kiba ia shondur lang ha shwa ka khyllipmat jong ka jingiap jongki ha Colombo.

Kat haduh mynta, ym shym la iathuh satia ia ki kyrteng jong ki khun kiba iap jong utei u heh spah.  Ym dei tang ka kompeni jain, hynrei, u don ruh sa kiwei ki kam, ha kaba la shim ba u dei u briew uba heh spah tam ha Scotland lane u dap billion.