![](https://www.urupang.com/wp-content/uploads/2024/07/image-79.png)
New Delhi:Mynhynnin ka sngi, U Chief Justice ka India, u DY Chandrachud, ula mai tyngeh ia uwei u riewsaid, haba u pynthut, ha ka por ba ka dang iaid ka jingiasaid halor ka jingpynlong ia ka eksamin National Eligibility cum Entrance Test (NEET).
U Advocate Mathews Nedumpara, uba iasaid na bynta uwei pat u nongmudui, ula pynwit ia U Narender Hooda, katba u dang kren ha khmat jong u nongbishar.
Haba kynthoh halor ka jingkren, U Nedumpara, u la ong ba u dei u riewsaid uba rangbah tam ha katei ka kashari “Nga lah ban jubab, nga dei u amicus.” Kumta U Chief Justice, ula jubab “Ngam shym la thung satia ia uno uno u amicus.” Hangne utei u riewsaid, ula ong biang “Lada phim burom ianga, ngan mih noh nangne”.
Ha katei ka por, U Chief Justice, ula khie bitar bad ula ong “Mr Nedumpara nga maham iaphi bap him dei ban kren sha ka gallery. Nga dei manga, uba peit ia ka court. Sngewbha khot ia ki pulit bad sei noh ia u na kashari” bad ka dei ha kane ka por, ba utei u riewsaid, ula ong “Ngan leit noh bad ngan mih noh” bad ha kane ka por, U Chief Justice, ula ong biang “Phim donkam ban da iathuh phi lah ban mih beit kumta. Nga la don ha kashari, la 24 snem, ngam lah ban shah ba ki riewsain kin mushlia hapoh kashari”.
Ha katei ka por U Nedumpara, ula jubab “Nga la doh hangne hapoh kashari naduh u snem 1979″ bad ha kane ka por U Chief Justice, ula ong ba un hap ban pynmih da ka hukum bad katei kan long ka bym sngewtynnad ba phim dei ban pynwit ia kiwei pat ki riewsaid” bad ka dei ha katei ka por, ba u mih noh shipor ba sa shiphang, ula wan rung biang bad u da ong “Nga sngewsih ngam shym la leh bakla bad la shu leh bein ianga bad u ong biang ba ula map noh ia U Chief Justice, da kaba u pyndonkam ruh ia ki kyntien na ka Bible, kiba ong “Ko pa to map noh ia ki, namar ba kim tip ia kaei kaba ki la leh”.
Phi don ban ong eiei?