Ha Venuezuela, ka jingrakhe Khristmas, kan sdang noh naduh ka 1tarik Risaw, pynbna U President katei ka Ri

Don bun rukom ki paidbah, kiba pynshong nongrim, halor ka rukom jied nongmihkhmat bad haba jied ia kiba stad u paidbah, ula myntoi bad haba jied pat ia uba kale, kumta ula kylla long u kum u kada kit blei thaw.

Kane ka jingshisha, ka dei ha Venezuela, ha kaba u nongsynshar thombor jong katei ka Ri, ula rai ban pynlong kham kloi noh ia ka jingrakhe khristmas mynta u snem, ha kaba un sdang naduh ka 1tarik Risaw 2024.
U Nicolás Maduro, President jong ka Venezuela, ula kren ha ka telebishon jong katei ka ri, da kaba u iathuh, ba ula rai ban pynlong kloi noh ia ka jingrakhe khristmas, ha kane ka snem, namar ba ialade ruh, ula sngew shongshit bad ula kwah ban lehkmen khristmas noh. U Maduro, u ong “Mynta u dei U Nailur bad nga la sdang sma iewbih Khristmas”.

“Mynta u snem, kum ka jingsngewieid iaphi bad ka jingsngew burom ruh, nga la pynbna, ba ka jingrakhe Khristmas, kan sdang naduh ka 1tarik Risaw” ong U Maduro.

U Maduro, uba dang shu jop elekshon biang dang shen, ula shah ujor tyngeh ha U Edmundo González, uba kam ba ka jingioh jingtip jongki, ka long ba katei ka kynhun jong U Edmundo, ka la jop kput, ha ka elekshon, kaba dang shu pynlong shen.