Ha Umsning bad Nongpoh rakhe ki Pulit Ri Bhoi ia ka sngi pyrshah drok

Nongpoh: Haba iasnohktilang ban rakhe ia ka sngi kyrpang ban pyrshah drok, kaba la tip kum ka International Day Against Drugs and Illicit Traffiking, ki pulit ka Ri Bhoi, hynnin ka sngi ki la pynlong ia ka prokram ban pynshai halor ka jingma u drok ha Umiam, Umsning bad Nongpoh.
Ki heh Pulit ka Ri Bhoi, kiba la sakhi ha katei ka sngi, ki kynthup ia u Bah VDS Rymbai, DSP Headquarter, u Bah O. Massar, DSP Police Traffic, u Bah PS Marwei, CI ka Nongpoh Police Station lem bad kiwei kiwei ki pulit ophisar ha Ri Bhoi.

Haba kren ban pynshai sha ki paidbah, kitei ki heh Pulit ha Ri Bhoi, ki la ong ba katei ka jingpynlong prokram da kitei ki Pulit, ka long ban pynshai sha ki paidbah halor ka jingma kaba ap ia ka jylla, na ka jingkynrei ki nongdih drok.